Зосік Ніканор Лявонцьевіч нарадзіўся 8 сакавіка 1904 г. у Заходнім краі Расійскай імперыі, у вёсцы Гурка Гродзенскай губерні Кобрынскага павета. Нарадзіўся ён у шматдзетнай сям’і (дзяцей было шасцёра). Працоўнае жыццё бацькоў, было тагачаснай школай яго выхавання.
Вялікае ўражанне на юнака і развіццё мастакоўскіх здольнасцей зрабіла хараство палескай прыроды. Квяцістыя лугі, бруістыя крынічкі, ціхмяныя рачулкі, бярозавыя гаі, птушыны розгалас, прысядзібныя садкі ды кветнікі – усё знайшло адлюстраванне ў паэтычнай творчасці сапраўды народнага мастака-самавука.
«Каноравы карцінкі» – так жыхары вёскі Закозель называлі маляўнічыя творы свайго земляка, самадзейнага мастака Ніканора Зосіка, якія атрымалі распаўсюджванне ў пачатку 1950-х гг.
Яркія, сонечныя, блізкія па свайму духу народнаму ўспрыняццю прыгажосці, розных памераў і разнастайных сюжэтаў, яны былі выкананы алейнымі фарбамі на спадручных матэрыялах – кавалках тканіны, цыраты або кусках фанеры.
Першае знаёмства падлетка з мастацтвам жывапісу, уменне карыстацца фарбамі, магчыма, адбылася ў Закозельскім маёнтку Караля Талочкі (20-я гг. ХІХ ст.), уладальнікамі якога былі перад тым прадстаўнікі роду знакамітай польскай пісьменніцы-дэмакраткі Алаізы Ажэшка.
Яшчэ і дасюль захаваліся тут гатычнага стылю фамільная капліца-пахавальня, парк з старасвецкімі ліпамі, зарослыя сажалкі ды перабудовы колішняга палаца.
Дзяцей ў Ніканора не было. Усё жыццё прайшло ва ўсё той жа сялянскай хаце на Гурцы.
Ніканор Лявонцьевіч са сваёй жонкай Ганнай Кірылаўнай
Мастацтва Зосіка – адна з найвышэйшых формаў існавання, таго, што дае жыццё пасля смерці. Яго творы так і застаюцца ў памяці вяскоўцаў як «Каноравы карцінкі». 12 снежня 1981 г. ён з мірам адышоў у лепшы свет і пахаваны на Радзіме.
Ім напісаны сотні карцін і маляваных дываноў, розных памераў, розных сюжэтаў.
Ля пруда. 1950-1960 гг. Алей. Фанера
Лясное возера. 1950-1960 гг. Алей . Фанера
Нацюрморт з бэзам. 1950-1960 гг. Алей. Тканіна
Нацюрморт з розамі. 1950-1960 гг. Алей. Тканіна
Вясковая прыгажуня. 1950-1960-я. Кардон, фанера, алей
Насценнны дыван. Алені на вадапоі. 1950-1960 гг. Алей
Нацюрморт з макамі і палявымі кветкамі. Фанера, алей. 1950-1960-я.
У 2008 г. экспедыцыя Інстытута мастацтвазнаўства, этнаграфіі і фальклора пабывала на Палессі
Па яе слядах ў Музеі старажытнабеларускай культуры і Акадэміі навук Беларусі закампанавалі часовую выставу. Зараз творы Ніканора Зосіка знаходзяцца ў сховішчах Музея
