Пабудавана ў 1750 г. з цэглы як Духаўскі касцёл у 1,5 км на паўночны ўсход ад вёскі.
Твор архітэктуры барока. Была вырашана прамавугольным у плане аб’ёмам, завершаным паўкруглай апсідай. Двухсхільны дах на галоўным фасадзе быў прыкрыты выпукла-увагнутым франтонам.
Пры перабудове касцёла пад праваслаўную царкву над дахам узведзены 8-гранны барабан з цыбулепадобным купалам. Барочны характар будынку надавалі скругленыя вуглы сцен, лапаткі і нішы з ракавінамі на галоўным фасадзе. Малітоўная зала была перакрыта цыліндрычным скляпеннем, апсіда – конхай, асвечана 4 лучковымі аконнымі праёмамі і круглай люкарнай у апсідзе.
