Каты — вёска ў Антопальскім с/С, у складзе СВК «Агра-Дзеткавічы». За 31 км на Паўночны Захад ад Драгічына, 141 км ад Брэста, 16 км ад чыгуначнай станцыі Гарадзец (на лініі Брэст-Гомель).
Паводле пісьмовых крыніц вядомы з пачатку XX ст. у 1921-39 гг. у складзе Польшчы, вёска ў Зёлаўскай гміне Драгічынскага павета, 13 двароў, 54 жыхары. У 1930-я г. – 24 двары. 3 1939 г. у БССР. 3 15.01.1940 г. у Антопальскім раёне. 3 12.10.1940 г. у Дзеткавіцкім с/С, 132 жыхары. У Вялікую Айчынную вайну загінулі 6 жыхароў, з іх 5 на фронце. 3 08.08.1959 г. у складзе Драгічынскага раёна. У 1959 г. – 145 жыхароў; у 1970 г. – 134 жыхары; у 1995 г. – 29 двароў, 58 жыхароў.
У 2005 г. – 28 гаспадарак, 41 жыхар. У 2023 г. – 6 гаспадарак, 8 жыхароў.
