Дуброва – вёска ў Драгічынскім с/С, у складзе СВК «Хомскі». За 2 км на Поўдзень ад Драгічына, 111 км ад Брэста, 9 км ад чыгуначнай станцыі Драгічын (на лініі Брэст-Гомель).
Паводле пісьмовых крыніц вядомы з XVIII ст. У 1905 г. урочышча ў Драгічынскай воласці Кобрынскага павета Гродзенскай губерні, 48 жыхароў. У 1921-39 гг. у складзе Польшчы, у Драгічынскай гміне Драгічынскага павета Палескага ваяводства. У 1921 г. калонія Дубрава, 7 двароў, 33 жыхары; засценак Дубрава — 7 двароў, 32 жыхары. 3 1939 г. у БССР. 3 15.01.1940 г. у Драгічынскім раёне Пінскай вобласці. 3 12.10.1940 г. у Старасельскім с/С. У 1939 г. калонія Дуброва, 119 двароў, 86 жыхароў. У Вялікую Айчынную вайну загінулі 13 землякоў, 8 з іх на фронце. 3 1954 г. у Брэсцкай вобласці, з 1965 г. у Драгічынскім с/С. У 1960 г. вёска, 158 жыхароў; у 1970 г. – 186 жыхароў; у 1995 г. – 72 двары, 187 жыхароў.
У 2005 г. – 91 гаспадарка, 245 жыхароў. У 2023 г. – 99 гаспадарак, 268 жыхароў.
