Брадок — вёска у Імянінскім с/С, у складзе СВК «Імянінскі». За 21 км на Паўночны Захад ад Драгічына, 135 км ад Брэста, 18 км ад чыгуначнай станцыі Драгічын (на лініі Брэст-Гомель).
Паводле пісьмовых крыніц вядомы з XIX ст. у 1858 г. вёска ў Імянінскай воласці Кобрынскага павета Гродзенскай губерні, цэнтр сельскай грамады, 123 рэвізскія душы дзяржаўных сялян, якія з 2-й пал. 19 ст. з’яўляліся падданымі Тараканскага манастыра. У 1890 г. грамада мела 266 дзесяцін зямлі, з іх 134 дзесяцін прыдатнай. У 1905 г. – 239 жыхароў. У 1921-39 гг. у складзе Польшчы, у Імянінскай гміне Драгічынскага павета Палескага ваяводства, 13 двароў, 63 жыхары. У 1939 г. – 37 двароў, 185 жыхароў. 3 1939 г. у БССР. 3 12.10.1940 г. у Імянініскім с/с Антопальскага раёна Брэсцкай вобласці, 187 жыхароў. У Вялікую Айчынную вайну на фронце загінулі 6 землякоў. У 1959 г. — 149, у 1970 г. – 130 жыхароў, у 1995 г. – 28 двароў, 53 жыхары.
У 2005 г. – 23 гаспадарю, 43 жыхары. У 2023 г. – 8 гаспадарак, 17 жыхароў.
